Mansur Toshmatov G'aniyevich - estrada xonandasi, O'zbekiston xalq artisti (1995), G'anijon Toshmatovning o'g'li, 1954-yil 14-sentabrda Toshkent shahrida tug'ildi. Toshkent teatr va rassomlik san'ati institutini tugatgan (1979), “Navo” (1976-79), “Sado” (1979-81) guruhlari, Jizzax (1982-84) va O'zbek davlat filarmoniyasi (1986-88), O'zbekiston Respublikasi qurolli kuchlar ashula va raqs ansambli (1991-99) da yakkaxon xonanda, “O'zbekteatr” birlashmasida “Fayz” qo'shiq teatri (1988-91), B.Zokirov nomidagi Estrada-simfonik orkestri (2003 yildan) badiiy rahbari, repertuaridan chet el estrada yulduzlari – F.Sinatra, T.Jons, S.Uander, E.Jero, O'zbekiston (E.Soliqovning “Umid”, E.Shiryaevning “Oq qayinlar”, I.Akbarovning “Qaydasan”, “Ra'no”, va boshqalar) va boshqa kompozitorlar asarlari, shuningdek, musiqasini o'zi bastalagan qo'shiqlari (“O'ynading” U.Abduazimova she'rlari; “Shirin xayol kelarmi”, Sh.Rashidov) o'rin olgan. Mansur Toshmatov keng diapazonli, jozibali ovoz sohibi, Ijrolari gramplastinka (“Mansur Toshmatov kuylaydi”, 1978) va kompakt disk “Uning eng yaxshi ko'rgan qo'shig'i”, 2000-yil yozilgan. “O'zbektelefilm” studiyasida M.Toshmatov ijodiga bag'ishlangan 2 film ishlangan (1984, 1988). Bir nechta xalqaro estrada tanlovlar (jumladan, Bolgariyadagi “Oltin Orfey”, 1978) g'olibi.

Ijrochiga oid: Taronalar