Murod Rahmatullayev 1980-yil 9-sentabr kuni Toshkent shahrida san'atkorlar oilasida tavallud topdi. Uning onasi Zamira Rahmatullayeva dutorchi qizlar ansamblining sozandasi. Murod Rahmatullayev Mirobod tumanidagi 110-maktabni, 6-sinfdan esa Xamza nomidagi 3-musiqa maktabiga borgan. U bolaligidan qo'shiq aytishga ishtiyoqi juda baland edi va maktab tadbirlarida uning ijrosi do'stlari va ustozlari olqishiga sazovor bo'lib kelgan. Maktabdan so'ng 1995-yilda xonanda Xamza nomidagi musiqa kollejining maqom, an'anaviy ijrichilik bo'limiga borgan. 1999-yildan 2003-yilgacha O'zbekiston Davlat Konservatoriyasining an'anaviy ijrochilik fakultetini tamomladi. Uning ilk ijodi 2000-yilda "O'tgan kunlar" qo'shig'idan boshlandi. Aynan bu qo'shiq xit qo'shiqlar qatoridan joy oldi. Xozirgi kungacha xonandaning 100ga yaqin qo'shiqlari, 10dan ortiq kliplari, "Yoz yomg'iri" va "Yorim-yorim" nomli albomlarini o'z muhlislariga havola etdi.

Ijrochiga oid: Yangiliklar Taronalar Kliplar