Dilbar Ikromova (17-iyul 1947-yil, Bekobod — 25-avgust 2020-yil, Toshkent) — O'zbekiston xalq artisti (2001). Toshkent teatr va rassomlik san'ati institutini tamomlagan (1970). 1970-yildan Hamza teatri (hozirgi O'zbek milliy akademik teatrida ishlaydi. "Oy tutilgan tunda" (M. Karim) spektaklidagi Zubarjat roli, sahnada yaratgan ilk obrazidir. Ozoda ("Imon"), Dilorom ("Oltin devor"), Feokla Ivanovna ("Uylanish"), Roller ("Qaroqchilar"), Momo ("Chimildiq") kabi rollari bilan shuxrat qozondi. Uning ijrosi hayotiy haqiqat va samimiyat namunasi bo'lib, dialoglarni juda ishonarli olib borish, rolning eng mayda ko'rinishlariga ham noziklik bilan yondashish, mimik harakatlardan ustalik bilan foydalanish aktrisa ijodiga xos.
Filmlardagi mashhur obrazlari: Sotti ("Kelinlar qo'zg'oloni"), telba ayol ("Qaldirg'och"), Ona ("Yolgiz yodgorim"), Ona ("Chayongul"), qo'shni xotin ("Sharif va Ma'rif"), Momo ("Chimildiq") va boshqalar.