muqaddas xoliqova

Muqaddas Xoliqova
Muqaddas Xoliqova
Muqaddas Xoliqova 1960-yil 14-aprelda toshkent shahrida tavallud topgan. milliy teatrda 1981-yildan buyon faoliyat yuritadi. 2002-yili "O'zbekiston respublikasida xizmat ko'rsatgan artist” faxriy unvoni, 2014-yili "O'zbekiston xalq artisti” faxriy unvoni bilan taqdirlangan.
Muqaddas Xoliqova 1981-yili O'zbek davlat akademik drama teatriga yo'llanma oldi va shu teatrda o'z mehnat faoliyatini boshladi. Dastlabki yillardanoq teatrning yetakchi yosh aktyoriga aylandi.
U teatr sahnasida 80 dan ziyod obrazlar yaratdi. U teatrda sahnalashtirilgan "Kuzning birinchi kuni” spektaklida do'xtir, "Najot istab”da qaynona, "O'tkan kunlar”da To'ybeka, "Kuyov”da asal kampir, "Aldagani xotin yaxshi”da ona, "Sehrli apelsin”da jodugar, "Jinoyat ustida ushlansin”da ona, "Otello”da Emilya, "Chimildiq”da ona, "Andishali kelinchak”da ayol, "Makr va muhabbat”da ona, "Baxtli gadolar”da ovsar, "Oltin devor”da ona, "Oltin qiz”da ona, "Neksiya”da Xadicha, "Tili asalim”da ayol, "Sizsiz o'tmas kunlarim”da Kibriyo, "Qalliq o'yin”da Xolbika, "So'nggi tergov”da militsiya xodimi, "Bir qanotlilar”da ona, "Biz sizlarni kutamiz”da ayol, "Dada demayman”da amma, "Tanho yulduz”da Manzura, "Tortadurman jabrini”da sudya, "Enaga”da Salima, "Shayton va farishta”da Nafisa, "Boshi qotgan oshiqlar”da ona, "Kelinlar qo'zg'oloni”da Sotti, "Ko'ngil”da Zuhra kabi rollarni ijro Etdi.
Muqaddas Xoliqova teatrdagi ijodiy faoliyati bilan bir qatorda kino va videofilmlarda rang-barang rollarni mahorat bilan ijro etdi. Jumladan, "sevginator–2”, "Naxotki sen”, "Jannat qaydadir”, "Boyvachcha”, "Amakivachchalar”, "Vijdon”, "Erkatoy”, "Poyga”, "Odnoklassniki”, "Oshiqlar”, "Taqdir charxpalagi”, "Ulfatlar”, "Ulfatlar-2”, "13 rais”, "Anora” filmlari va "Qirq tog'araning qirq nog'orasi”, "Ko'ngil ko'chalari”, "Dengizdan tomchi” milliy seriallarida betakror rollar ijro etdi.
Muqaddas Xoliqova dublyaj sohasida ham ko'plab film hamda teleseriallarga ovoz bergan.


Avvalgi sahifa | Ro`yhatga qaytish | Yuqoriga
O'Z REKLAMANGIZNI SHU YERDA JOYLASHTIRING