Umarov Faxriddin Аsilpo'lat o'g'li (1926.01.09, Qibray tumani) – lirik xonanda va bastakor, O'zbekiston xalq hofizi (2002).
Ilk musiqa saboqlarini otasidan, so'ng hofizlik sirlarini Аsqar Ubaydullaev, Аkmalxon va Boboxon So'fixonovlardan o'rgangan. Toshkent konservatoriyasida ta'lim olgan (1950-1953). O'zbekiston radiokomiteti (1946-1961), O'zbek davlat filarmoniyasi (1961-1986) yakkaxon xonanda.
Repertuaridan, asosan kuylarni o'zi bastalagan qo'shiq va ashulalar – “Ishqingda zor o'ldim” (Nohis g'azali), “Naylaram” (Xislat), “Jamoling”, ”Sochining savdosi tushdi” (Bobur), “Onam derman” (Yo.Mirzo), “Qaydasan” (Mashrab), “O'zbegim” (E.Voxidov), “Ey, muhabbat” (P.Mo'min), “Umr o'tmo?da” (T.Sulaymon), shuningdek mumtoz (“Chorgoh”, “Bayot”, “Munojot”, “Sodirxon Ushshog'i” va boshqalar) o'rin olgan.

Ijrochiga oid: Taronalar