hoji akbar

Hoji Akbar
Taniqli xonanda va ko'pgina taniqli san'atkorlarning oranjirovkachisi Hoji Akbar 1975-yil 15-dekabr kuni Toshkent shahrida tavallud topdi. Bolaligidan juda ham san'atga qiziqqani uchun ham 5 yoshidan "Parvona" qo'shiq va raqs dastasida doira chalib, qo'shiq kuylardi. Xattoki mahallada ham kattayu kichikni lol qoldirib doira chalib qo'shiq kuylardi. U S.Raximov tumanidagi 111–maktabni tamomlagandan so'ng O'zbekiston Davlat Jismoniy tarbiya oliygohini ham tamomlaydi. Xonandaning san'atga bo'lgan qiziqishi, uni ko'pgina san'atkorlar bilan ishlashga as qotti. U Otabek Madrahimov, Hulkar Abdullayeva, Dildora Niyozova, Rustam G'oipov, Manzura, Jo'rabek va yana boshqa taniqli xonandalarga kompozitorlik qilgan. So'ng xonanda o'zi ham qo'shiq aytishga kirishadi. 2008-yil "Voy boy" qo'shig'ini kuylaydi va bu qo'shiq unga ko'pgina omadlar keltirib xit taronaga aylanadi. Bu qo'shiqdan so'ng "Laylo", "Gap yo'q", "Shoxsanam", "Bale-bale" qo'shiqlari ham xit taronalar qatoridan joy oladi. Xonandaning hozirgi vaqtgacha 60ga yaqin qo'shiqlari, 40dan ortiq kliplari va "Kel yorim", "Qo'shiqlarda aytar so'zim bor", "Sog'inganimsan", "Sizlarga" albomlari qo'shiqlari o'z muhlislar yuragidan joy olgan. Yana shuni aytib o'tish joizki, xonanda 2001-2005 yillarda Xitoyning Urumchi shahrida yashab ijod qilgan.


Avvalgi sahifa | Ro`yhatga qaytish | Yuqoriga
O'Z REKLAMANGIZNI SHU YERDA JOYLASHTIRING