mezon guruhi

Mezon guruhi
Muzaffar, Abror va Mavjudalardan tuzilgan Mezon guruhi 2011-yilning fevralida tashkil topdi.
Guruhdagi Muzaffar Sulaymonov 1977-yil Tarozi burji ostida Toshkent shahrida tavallud topdi. Maktabni tamomlagandan so'ng Toshkent Davlat Moliya institutining moliyaviy iqtisod fakultetini tamomladi. U yoshligiga qo'shiq aytishga juda ham qiziqardi. Ayniqsa xonanda Otabek Madraximovga juda ham havasi kelib 1998-yilda "Fayz-M" guruhini tashkil etgan. Bu guruh esa atigi 2002 yilgacha faoliyat olib bordi.
Abror Eshbekov 1979-yil 3-noyabrda Samarqand viloyatida tavallud topdi. U yoshligidan Toshkentdagi Glier nomidagi musiqa maktabida tahsil oldi. 1996-yilda esa O'zbekiston Davlat Konservatoriyasining estrada-kompozitorlik fakultetiga o'qishga kiradi. Abror o'qishda o'qib yurgan vaqtning o'zidayoq mustaqil o'zi qo'shiq bastalay olardi. Xattoki talabalik vaqtida 50dan ortiq qo'shiqlarni bastalagan.
Mavjuda Alimova 1989-yil 20-iyun kuni Toshkent shahrida tavallud topdi. U bolaligidanoq qo'shiq aytishga ishtiyoqi baland edi. Shuning uchun ham maktabni tamomlab O'zbekiston Davlat Konservatoriyasining Estrada xonandalik fakultetini tamomladi. Konservatoriyada o'qib yurganida Mavjuda qo'shiq kuylab katta sahnaga chiqa boshladi. 2007-yilda esa u "Nihol" mukofotiga sazovor bo'ldi.
2010-yilda guruh administratori Farxod Abdukarimov tomonidan yangi guruh uchun kasting o'tkaziladi va 3 ta xonanda, Muzaffar, Abror hamda Mavjudalar shu kastingda g'olib bolib "Mezon" guruhi uchun ma'qul deb topildilar. 2011-yil fevral oyida boshlab ushbu guruh o'z faoliyatini boshlaydi. Xozirgi kungacha "Mezon" guruhining 6ta qo'shig'i va 2ta klipini o'z muhlislariga havola etdilar. "Xayol" va "Terma" qo'shiqlari esa xit qo'shiqlar sarasiga kiradi. Bu guruh yosh bo'lishiga qaramay yaqindagina Samarqand shahrida o'tkazilgan "Ozod yurt to'lqinlari" festivali ishtirokchilari bo'lishdi.
Ijrochiga oid: Yangiliklar Taronalar Kliplar


Avvalgi sahifa | Ro`yhatga qaytish | Yuqoriga
O'Z REKLAMANGIZNI SHU YERDA JOYLASHTIRING