ozodbek nazarbekov

Ozodbek Nazarbekov
Ozodbek Nazarbekov
Ozodbek Nazarbekov Axmadovich 1974-yil mayda Andijon viloyati, Shahrixon tumanida tug'ilgan. 1994-yildan qo'shiqchilik san'ati bo'yicha o'z ijodiy faoliyatini boshlagan. 2002-yildan buyon “O'zbeknavo” estrada birlashmasida yakkaxon xonanda sifatida faoliyat yuritadi. Ozodbek Nazarbekov 1994-yildan Respublika miqyosidagi Davlat tadbirlarida: O'zbekiston Respublikasi, Navro'z umumxalq bayrami va Mustaqillik bayramlarida faol ishtirok etib kelmoqda. Respublikamizning barcha viloyatlarida o'zining yakkaxon konsert dasturlarini namoyish etgan. 2003-yil 22-iyunda Turkiston saroyida “Oydin kechalar” deb nomlangan yakkaxon konsert dasturini, 2005-yil 15-16-aprelda esa, Xalqlar do'stligi saroyida “Yuragimdan kuylaganim sen” deb nomlangan konsertini, 2006-yil 12-13-14-15-16-17-aprel kunlari “Sening darding…”, 2007-yil 7-apreldan 14-aprelga qadar “Diydor shirin”, 2008-yil aprelda “Jondan aziz”, 1-2-3-4 avgustda “Yaprog'imiz azim chinorning”, 2009-yil 4-apreldan 24-aprelga qadar “Mushtarak manzil”, 2010-yil 5-apreldan 23-aprelda “Qadamlar hikmati” deb nomlangan konsert dasturlarini o'z muxlislariga taqdim etdi. Xonandaning shu kungacha 11 ta audio, 8ta video kasseta va disk to'polamlari yozilib, sotuvga chiqarilgan. Ozodbek Nazarbekov 2003-2007 yillarda Mannon Uyg'ur nomidagi san'at oliygohining talabasi bo'ldi. Hozirgi kunda mazkur oliygohning magistratura bosqichida tahsil olmoqda. U 2007-yil Oliy mukofotlardan biri “O'zbekistonda xizmat ko'rsatgan artist” unvoni bilan taqdirlandi. 2010-yilda elu-yurtning yuksak mukofoti “O'zbekiston xalq artisti” unvoniga sazovor bo'ldi. 2010-yil musiqa va tele video nominasiyasi “M&TVA 2010” taqdimotida “Yilning eng yaxshi erkak xonandasi” mukofotini qo'lga kiritdi. 2012-yilda Qoraqalpog'iston Xalq artisti, 2014-yilda esa El-yurt hurmati ordeni, 2021-yilda "Turkmaniston Respublikasida xizmat ko'rsatgan artist" faxriy unvoni sohibi.
2017-2020-yillarda Madaniyat vaziri birinchi o'rinbosari. 2020-yildan Madaniyat vaziri hamda Yunus Rajabiy nomidagi O'zbek milliy musiqa san'ati instituti rektori.


Avvalgi sahifa | Ro`yhatga qaytish | Yuqoriga
O'Z REKLAMANGIZNI SHU YERDA JOYLASHTIRING