samras guruhi

SaMRaS guruhi
Samras guruhi
SaMRaS guruhi ikki kishidan iborat bo'lib, 2005-yilda tashkil topgan. SaMRaS so'zi qadimgi yunon tilidan olingan bo'lib "Birinchi" degan ma'noni anglatadi. Guruh a'zolari Suhrob Rahimov va Sardor Magdiyev.
Suhrob Rahimov qish faslining 15-fevral kuni Toshkent shahrida san'atkorlar oilasida tavallud topdi. Uning otasi O'zbekistonda hizmat ko'rsatgan san'at arbobi, professor, kompozitor Xabibulla Rahimovdir. Onasi esa Toshkent Davlat San'at institutida tahsil olgan ko'pgina yosh san'atkorlarning ustozi san'atshunos konsertmeyster Noila Zokirovalardir.
Sardor Magdiev yoz faslining 4-avgust kuni Toshkent shahrida ziyolilar oilasida tavallud topdi. Maktabni bitirishgandan so'ng ikki do'st Toshkent Axborot Texnologiyalari Universitetiga o'qishga kiradilar. Ular talabalik vaqtidayoq qo'shiq aytishga qiziqib, oliygohda bo'lib o'tadigan tadbirlarning barchasida qo'shiq aytib ishtirok etishardi. Universitetda o'qib yurgan kezlaridayoq yigitlar guruh tuzishga qaror qildilar. Suhrob Rahimovning bastakorlar oilasida katta bo'lgani va Sardor Magdiyevning yoshligidagi orzusi bu duetning tashkil topishiga turtki bo'ldi. Guruhning ilk "Dardli yurak" qo'shig'ini Rustam To'lashev bastalagan bo'lib, qo'shiq 2005-yilning sentyabr oyida radio to'lqinlarda yangray boshladi. So'ng 2006 yilda "Tez-tez" taronasi keng ommaga havola etildi. Hamda ushbu tarona xit darajasiga yetdi. 2007-yilda ular Greg va Tigran Gasparyan bilan hamkorlikda ishlay boshladilar. Greg o'zining noan'anaviy qo'shiqlar yaratish va kuylash bilan guruh a'zolari e'tiborini jalb etdi. Ular birgalikda "Ketsang ketaver", "Harakatlar oddiy" qo'shiqlarini yaratdilar. Aziza Halilova bilan duet tarzida kuylangan "Harakatlar oddiy" qo'shig'iga klip ham suratga olingan. SaMRaS guruhi 2009-yilda Tigran Gasparyan tomonidan yozilgan "Seni sevaman", "Yoningda', "Yo'q-yo'q" taronalarini Greg bilan birgalikda kuyladilar. 2010-yilning avgust oyida "Tarona rekords" kompaniyasi bilan shartnoma tuzdilar. Shundan so'ng, SaMRaS guruhining hamkorlari safiga bastakor-aranjirovkachi Robert Mirzoyan ham qo'shildi. Ular o'z uslubini o'zgartirib "House" yo'nalishida kuylay boshladilar. Ushbu yo'nalishda yaratilgan "Keraksan" qo'shig'i va videoklipi yurtimizning barcha radio to'lqinlari hamda TV Markaz kanalining xit paradlarida yuqori pog'onalarni egalladi. Yilning yakunida yaratilgan "Aytolmadim" va 2011-yilning ilk "Darbadar" taronalari radio to'lqinlarda, birin ketin yangradi. Guruh ushbu taronalarga noan'anaviy tarzda videoklip suratga tushurishni rejalashtirdilar. SaMRaS guruhi navbatdagi "Dona dona" nomli qo'shig'i ham keng ommaga havola etldi. Ushbu qo'shiq uchun suratga olingan videoklip SaMRaS guruhinig ilk rejissorlik ishi hisoblanadi. Guruh ishtirokchilari doimiy tarzda bilimlarini aktyorlik mahorati va dizaynerlik saboqlari bilan yangilab turadilar. Har fotojamlanma va har suratga olish ishlarini oldindan rejalishtirib yangi ko'rinishlarni yaratib kelishmoqda.
2011-yilning so'ngidan guruhni Sardor tark etadi va Suhrob yakka holda taronalar taqdim etishda davom etib kelmoqda.


Avvalgi sahifa | Ro`yhatga qaytish | Yuqoriga
O'Z REKLAMANGIZNI SHU YERDA JOYLASHTIRING