sherzod davronov

Sherzod Davronov
Sherzod Davronov
Sherzod Davronov 1978-yil 27-noyabr kuni Navoiy viloyatida san'atkorlar oilasida tavallud topdi. U Navoiy viloyatidagi Nodirabegim nomidagi 7-maktabga boradi. Maktab bilan bir vaqtning o'zida Xamza nomidagi musiqa maktabida akardeon yo'nalishi bo'yicha tahsil oladi. Xonanda maktab vaqtidayoq tuman va maktablar aro o'tkaziladigan tadbirlarda faol ishtirok etib, fahrli o'rinlarni egallab keladi. Maktabni tugatgandan so'ng esa Toshkent Davlat Madaniyat institutining "Ijtimoiy madaniy faoliyat" fakultetiga o'qishga kiradi. U ilk ijodini 2000-yil O'zbekiston kanalida namoyish etiladigan "Kelin kuyov" shou dasturida "Ey yoru jonim" qo'shig'i bilan chiqadi. Sherzod Davronovning "Yolg'izim", "Sensan" va "Sen lazgiga o'ynaganda" qo'shiqlari xit taronalar pog'onasidan joy oladi. Hozirgi kunda xonanda 50dan ortiq qo'shiqlarini, 15dan oshiq klipini va "Yolg'izim", "Sensan", "Olib ketay", "Beg'ubor orzular" albomlarini o'z muhlislariga havola etdi. Sherzod Davronov 2004-yildan boshlab har yili bahor oyida an'anaviy tarzda Navoiy shahrida 10 kunlik konsert dasturini namoyish etib keladi. Toshkent shahrida ham 2005-yil rus akademik drama teatrida ham "Qo'shiqlarim sizga arg'umon" nomli 10 kunlik konsert dasturini muhlislar e'tiboriga havola etdi. Xonanda barcha qo'shiqlarini fonogrammada emas, balki jonli ijro etadi. Bu inson nafaqat qo'shiq kuylaydi, balki badiiy filmda ham suratga tushgan. 2010-yil O'zbekiston teleradiokompaniyasi orqali namoyish etilgan "Beg'ubor orzular" deb nomlangan milliy teleserialda bosh rolni ijro etdi. Hozirgi kunda xonanda shoirlar Ibroxim Jiyanov, Bobur Bobomurod, Mahmud Toirov, kompozitorlardan Doni Ilyosov, Shuhrat Zokirov, Akrom Ibodullayev, Rustam Mahmudov va Jamshid Xolmurodovlar bilan birgalikda ijod qilmoqda.


Avvalgi sahifa | Ro`yhatga qaytish | Yuqoriga
O'Z REKLAMANGIZNI SHU YERDA JOYLASHTIRING