To'zgan kunlaringni ko'p ko'rdim, xalqim,
Buzgan kunlaringni ko'p ko'rdim, xalqim,
Uzgan kunlaringni ko'p ko'rdim, xalqim,
O'stirgan kuningni ko'rarmikanman?

Uzgan kunlaringni ko'p ko'rdim, xalqim,
O'stirgan kuningni ko'rarmikanman?

Sochim supurgidir o'ring, qiringga,
Fahm yetgaymikin biror siringga?
Qiyomatga qolmay, biring biringga
Do'st bo'lgan kuningni ko'rarmikanman?

Qiyomatga qolmay, biring biringga
Do'st bo'lgan kuningni ko'rarmikanman?

Dil to'lib borsa ham do'g uzra dog'ga,
Yig'lab ko'chirdim shu she’rimni oqqa.
Bir-biring oyoqdan chalmay, oyoqqa
Bostirgan kuningni ko'rarmikanman?

Bir-biring oyoqdan chalmay, oyoqqa
Bostirgan kuningni ko'rarmikanman?

Qandoq ado bo'lmay, o'tmayin kuyib,
Yursang o'zni qiyib, yog'iyga kulib?
O'zing topganingni sen o'zing kiyib,
To'zdirgan kuningni ko'rarmikanman?

O'zing topganingni sen o'zing kiyib,
To'zdirgan kuningni ko'rarmikanman?

Bobongku qilichin bermagan edi,
Bobongku orini bermadi, yengdi.
Bobongdan bolangni bir qadam endi
O'zdirgan kuningni ko'rarmikanman?

Bobongdan bolangni bir qadam endi
O'zdirgan kuningni ko'rarmikanman?
O'stirgan kuningni ko'rarmikanman?