Ul parivash qadrim bilmas,
To kamola yetmaguncha. (x2)
Ko'ngli qattiq dardimni bilmas, aylanoman-ey,
Ul ham oshiq bo'lmaguncha. (x2)

Hali yoshdur, vafo qilmas,
O'ldim desam, bir qaramas.
Ming oh ursam, bir qayrilmas, aylanoman-ey,
To boshiga tushmaguncha.

Jon o'ynatur qaro ko'zi,
Tan yayratur shirin so'zi. (x2)
Qamashtirur ko'zni yuzi, aylanoman-ey,
Mayda sochi to'smaguncha. (x2)

Uchib ketdi ixtiyorim,
Jon bulbuli tor qafasda.
Ketmas ishqi Muqimiydan, aylanoman-ey,
Tandan bu jon chiqmaguncha. (x2)