Shukrona aytaman shunga ham,
Bo'lsada to'kisdan ko'zim kam. (x2)
Hayotim nuridir har bolam,
Ohangga qo'shib dil nolamni,
O, qo'shiqla ko'raman olamni. (x2)

Ollohim dilimga kuy solgan,
Kuylardan armonim joy olgan. (x2)
Zavqu-shavq emasdir yo'qolgan,
Alqayman muborak shu damni,
O, qo'shiqla ko'raman olamni. (x2)

Yo'llarda yaxshilar qo'l tutar,
Allakim o'zgacha yo'l tutar,
Kimlardir achinar, g'am yutar,
Men sevib yashayman odamni,
Qo'shiqla ko'raman olamni.

Niyatlar tog' kabi cho'ng erur,
Yo'llar goh tekis, goh do'ng erur.
Shukrkim, ishlarim o'ng erur,
Ko'rsatmay ko'z yoshim, jolamni,
O, qo'shiqla ko'raman olamni.

Shukrkim, ishlarim o'ng erur,
Ko'rsatmay ko'z yoshim, jolamni,
O, qo'shiqla ko'raman olamni.

Qo'shiqla ko'raman olamni…