N a q a r o t:
O‘sma ekilmadimi,
Tagi chopilmadimi? (2x)
Uylanmading, uylanmading,
Qizlar topilmadimi? (2x)

G‘uncha ochilsa, bo‘ldi,
Gul bo‘ladi debsan-da,
San yomondan ayrilsam,
Zo‘r keladi debsan-da.

Yomon bo‘lsam yonimda
Yurganing nimasi,
Har qadamda gul otib
Turganing nimasi?

Na q a r o t: .................

Anor siqding bir yayrab,
Suvidan ichay endi.
Sog‘inganman, arazning
Bandini yechay endi. (2x)

N a q a r o t: ...................

Bo‘ldi, mani o‘ylama,
Tutar sevgi xumori.
Agar yorim bo‘lsang-a,
Mani qil ko‘z tumori.

Olib yurgin erkalab,
Choy uzatay ertalab.
Baxtiyor qilgin mani,
Turay yoningda gullab.

N a q a r o t: ................