Ko'ngil bergan, meni sevgan,
Guldek yashnab, jon baxsh etgan o'zingmasmu?
Qaro ko'zlar, asal so'zlar
Ila meni maftun qilgan o'zingmasmu?

Kunduzmisol, yulduzmisol
Chaqnab-chaqnab, ziyo sochgan o'zingmasmu?
Qalbim olib, so'zdan tonib,
Qiyo boqmay, keyin ketgan o'zingmasmu?

Sevarman, jonim, begumon,
Mushtoqman bir-bor ko'rgali.
Intilar qalbim sen tomon,
Istamas sendan o'zgani.

O'ngu-tushim, esu-hushim,
Butunlayin egallagan o'zingmasmu?
Atab yori-intizorim,
“Vafodorman”, deya aytgan o'zingmasmu?

Sho'x-sho'x yurgan,nafis kulgan,
Maning bilan bog'lar kezgan o'zingmasmu?
Qalbim olib, so'zdan tonib,
Qiyo boqmay, keyin ketgan o'zingmasmu?

Sevarman, jonim, begumon,
Mushtoqman bir-bor ko'rgali.
Intilar qalbim sen tomon,
Istamas sendan o'zgani. (x1+x1)