Umrim o'tdi shahd bilan,
Yolg'on bilan dard bilan.
U dunyoga gumon-u,
Kayf-u safo, zavq bilan.

Shayton yelkamga mindi,
Azob-u, afsus yeyman.
Mana yuragim tindi,
Xudoga nima deyman?!

Gohi xarom yutganman,
Nafs qo'lidan tutganman,
Namozni unutganman,
Ollohga nima deyman?!

Nafs ortida turganman,
Xirs yo'lida yurganman,
Yuzim aybga burganman,
Endi man nima deyman?! {x2}

Podshoh bilib bolamni,
Ranjitdim goh otamni,
Yig'latdim-a onamni,
Oh, endi nima deyman?!

Hushim oldi jononlar,
Do'st tutindi nodonlar,
Til so'zladi yolg'onlar,
Ollohga nima deyman?!

Aybga to'la to'rt yonim,
Bo'shdir savob hamyonim,
Cho'g'da yonarmi jonim,
Endi man nima deyman?!

Gunohlarim bir gala,
Hayriyalarim chala,
Duoyim behafsala,
Ollohga nima deyman?! {x2}

Berilib kayf-safoga,
Vafo qilmay vafoga,
Mukka ketdim zinoga,
Endi man nima deyman?!

Oh, aqlimni zang bosdi,
Joynamozim chang bosdi,
Barin qilganman rosti,
Endi man nima deyman?!

Men puli ko'p bechora,
Topolmayapman chora.
Olloh olmas-ku pora,
Endi man nima deyman?!

Nafsinga berding deb erk,
Xirsinga berding deb erk.
Senga desa: Jannat berk,
Shunda man nima deyman?! {x2}

Gunoh bisyor, savob yo'q,
Savollar ko'p, javob yo'q,
Mendan holi xarob yo'q,
Ollohga nima deyman?!

Yuzlanganimdur Ka’bam,
Iltijo qilsam har dam,
Qabulmikan-a tavbam,
Ayting man nima deyman?!

Ollohga nima deyman?! {X2}