Yuragim bo`m-bo`sh,
Ko`zlarimdan alamdan oqar ko`z yosh, sen yo`qsan.
Huvillar xonam,
Har qadamda tuyular kulging yana. Qaylardasan?

Qanchalar sevganim sari,
Qanchalar ko`nganim sari,
Uzoqlashibsan afsus mendan.
Shunchalar kam sevganmidim,
Shunchalar sezmaganmidim?
Yiroqlashibsan nega birdan?

Mabodo qaytarsan, mabodo kelarsan,
Xatolaring balki bir kuni tushunarsan.
Yutqazgan bir menmi? Sen ham yutqazgan,
Afsuski, buni sen juda kech anglaysan.

Mabodo qaytarsan, mabodo kelarsan,
Xatolaring balki bir kuni anglarsan.
O`shanda bag`rimga yana talpinarsan,
Lek singan ko`nglimni tiklab berolmaysan.
Tiklab berolmaysan…

Charchadingmi, ayt?
Yoki sevging so`nib bo`ldi qaysi payt? Kelmayapsan.
Saqlay olmadim,
Sevgimizni nechun asray olmadim? Qaytmayapsan.

Qanchalar men sevar edim,
Qanchalar sog`inar edim,
Bitta kulgin deya, izlardim.
Sen shunchalar ko`nolmading,
Sen shunchalar ishonmading
Baxtimizning ro`yosiga.

Yo`q-yo`q, aybdor qidirma,
Shunchaki sharoitim seni qoniqtirmas.
Sen, men har xil ekanmiz,
Senga boylik qiziq, u menga muhimmas.

Bilaman sevarding, sezardim hatto,
Yurakning sevishi yetmas ekan ammo.
Sen balki to`q yashashni xohlagansan,
Angladim, baxt uchun mansab muhim ekan.

Mabodo qaytarsan, mabodo kelarsan,
Xatolaring balki bir kuni tushunarsan.
Yutqazgan bir menmi? Sen ham yutqazgan,
Afsuski, buni sen juda kech anglaysan.

Mabodo qaytarsan, mabodo kelarsan,
Xatolaring balki bir kuni anglarsan.
O`shanda bag`rimga yana talpinarsan,
Lek singan ko`nglimni tiklab berolmaysan.
Tiklab berolmaysan…