Tinglang, hikmat so'ylayotgan
Azim chinor yaprog'idir.
Moziylardan sado bergan
To'lqin-to'lqin titrog'idir. (x2)

Bu Temurbek tug'yonidir,
Temurmalikning ohidir.
To'marisning so'rog'idir,
Ham Shiroqning nigohidir.
Belni bog'lar chog'idir bu,
o'zni chog'lash chog'idir.

Ko'kka boqsang, Bibixonim
Surati ko'z oldida.
Yerga boqsang, Husayniyning
Turbati ko'z oldida.

Kunga boqsang, Boburiyning
shiddati ko'z oldida.
Oyga boqsang, yuzlarida
Orzu-umid dardog'idir.

o'zbek degan noming bor,
g'ururing bor, oring bor.
Beshigingda To'maris,
Har uyda Boburing bor. (x2)

o'n besh deganda oy to'lar,
Toychoqlaring ham toy bo'lar.
Maysalar bug'doy bo'lar,
Bug'doylaring shirmoy bo'lar. (x2)

Jilg'a uyg'onsa agar,
o'n besh deguncha soy bolar.
Senga kuch bergan – bobolar
Hoki-yu tuprog'idir.
Belni bog'lar chog'idir bu,
o'zni chog'lash chog'idur.

Davralarning to'ri senga
Muntazir, sen haqlisan.
Allohimning suyugisan,
Avliyolar ahlisan.

Baxtli bo'lsak bir bo'lib,
Yakdil bo'lib baxtlisan.
Ulug' zot bayrog'idir,
Oriyat belbog'idir.

o'zbek degan noming bor,
g'ururing bor, oring bor.
Beshigingda To'maris,
Har uyda Boburing bor. (x2)

Bu Temurbek tug'yonidir,
Temurmalikning ohidir.
To'marisning so'rog'idir,
Ham Shiroqning nigohidir.
Belni bog'lar chog'idir bu,
o'zni chog'lash chog'idir.

o'zbek degan noming bor,
g'ururing bor, oring bor.
Har beshikda To'maris,
Har uyda Boburing bor.

o'zbek degan noming bor,
g'ururing bor, oring bor.
Beshigingda To'maris,
Har uyda Boburing bor.

Har beshikda To'maris,
Har uyda Boburing bor.