Muhabbat to'riga dillar ilindi,
Biz gavhar ekanmiz, endi bilindi,
Dillar biyron bo'ldi, tillar tilindi,
Sevaman demadim, sevdim demading.

Daryo bo'lgan qalbim qirg'og'isan sen,
Goh yaqin, goh esa yirog'isan sen,
Nur istab talpingan chirog'isan sen,
Sevaman demadim, sevdim demading. (x2)

Sevaman demadim, sevdim demading, {x3}
Demadim, demading, sevdim demading.

Sochlaring sirtmog'in silab yechdim men,
Savobu-gunohdan bir dam kechdim men,
Aslida sen uchun balki hech kim men,
Sevaman demadim, sevdim demading. (x2)

Baxtlidurdir ko'zni ochib yopganlar,
Toza nigoh ila gulni o'pganlar,
Molu-dunyo emas, ko'ngil topganlar,
Sevaman demadik, sevdim demadik.

Sevaman demadim, sevdim demading, {x3}
Demadim, demading, sevdim demading.

Kimlardir sevgisiz, egik baytdek biz,
Birga ko'kka chiqib, yerga qaytdik biz,
Har nima tingladik, har ne aytdik biz,
Sevaman demadik, sevdim demadik. (x2)

Sevaman demadik, sevdim demadik, {x4}

Sevaman demadim, sevdim demading, {x3}
Demadim, demading, sevdim demadik.