Odatiy hol – ko'z yoshim yuvib ketar quvonchni,
Qo'ying, menga ishonmang, oqlolmayman ishonchni.

Odatiy hol, omadim kulmas mening sira ham,
Qo'ying menga do'st bo'lmang,
Mening sodiq do'stim g'am. (x2)

Odatiy hol – uchrashib, kulib quchoq ocharlar,
Do'stga dardim aytmayman, aytmasimdan qocharlar.

Odatiy hol – ortimdan g'iybat quvib yuradi,
Ichu-bag'rim qon mening, ko'zim kulib turadi. (x2)

Odatiy hol parishon, tunda shahar kezaman,
Demasangiz ham daydi, nigohlardan sezaman.

Odatiy hol, onamning qo'li tolmas duodan,
Ko'nglimdagi yo Rabbim, nima bo'lsa Xudodan. (x2)

Odatiy hol deyishar: “Sen zo'r xofiz bolasan,
Haqni aytma, ey bola, balolarga qolasan!”

Odatiy hol – ko'z yoshim yuvib ketar quvonchni,
Qo'ying menga ishonmang, oqlolmayman ishonchni. (x2)