Kechagina ergasharding qayga borsam,
Bugun beparvosan hatto ming yolvorsam.
Yonimda tur, bo'y-bastingni ko'ray har dam,
Ukam bor, deb ko'ksim kerib yuray men ham.

Katta bo'lib, uyga tunda kelarmishsan,
Onam bergan tanbehlarga kularmishsan.
Endi o'zing har narsani bilarmishsan,
Dono ukam, ayt so'zingga kiray men ham,
Ukam bor, deb ko'ksim kerib yuray men ham.

Ukam, ukam, jonim ukam,
Mening mehribonim ukam.
Ukam, ukam, jonim ukam,
O'zing qadrdonim ukam.

Eh ukam, ukam, jonim ukam,
Mening mehribonim ukam.
Ukam, ukam, jonim ukam,
O'zing qadrdonim ukam.

Sen mengamas, men ham senga suyanayin,
Suyanchig'im bor-da, deya suyinayin.
Qachongacha yosh bola deb kuyinayin,
Nima darding bor, ayt mana turay men ham,
Ukam bor, deb ko'ksim kerib yuray men ham.

Sen shoh bo'lgin, mayli vazir bo'lay o'zim,
Aka desang, shu dam hozir bo'lay o'zim.
Omadingni ko'rsa quvnab ketsin ko'zim,
Topganingga imoratlar quray men ham,
Ukam bor, deb ko'ksim kerib yuray men ham.

Ukam, ukam, jonim ukam,
Mening mehribonim ukam.
Ukam, ukam, jonim ukam,
O'zing qadrdonim ukam.

Eh ukam, ukam, jonim ukam,
Mening mehribonim ukam.
Ukam, ukam, jonim ukam,
O'zing qadrdonim ukam.

Yaxshi o'qib, ilmu-hunar egasi bo'l,
Mayli so'ngra onajonim erkasi bo'l.
Otamizdan qolgan uyning ertasi bo'l,
Kel, hotirjam davru-davron suray men ham,
Ukam bor, deb ko'ksim kerib yuray men ham.

Eee, ukajonim, jonim ukam,
O'zing mehribonim ukam.
Ukajonim, jonim ukam,
Mening qadrdonim ukam.

Oh, ukam, ukam, jonim ukam,
O'zing mehribonim ukam.
Ukajonim, jonim ukam,
Mening qadrdonim ukam.