Osmonimda quyosh kulgan kun,
Dunyoga kelding – bo'ldim butun.
Duolarim bo'lgan ijobat,
O'g'lim, bugun sen tug'ilgan kun.

Otam-onam degan so'zing bir baxt,
Sen mevamiz, biz bir daraxt.
Jannatlarda qurib bergin taxt,
Ko'zim qorasi, qalbim donasi.

Umidim, hayotim ertasi,
Ollohim bergan sevgim mevasi.
Ko'ray baxtingni, bolajonginam,
Yuragim parchasi, parchasi. (x2)

O'g'lim, xuddi otangday bo'lgin,
Tun bo'lmagin, quyoshday kulgin.
O'z xalqingga mehringni bergin,
Ko'zim qorasi, dilim donasi.

Yaxshilar ko'p, ularday bo'lgin,
Ko'zim qorasi, dilim donasi.

Umidim, hayotim ertasi,
Ollohim bergan sevgim mevasi.
Ko'ray baxtingni, bolajonginam,
Yuragim parchasi, parchasi. (x2+x2)