Meni oq yuvib, meni oq tarab,
Menga umrin bag'ishlab,
Yaxshi-yomonni ajrat, deb, bolam,
So'zlardi ota-onam.

Menchi noshud, taltayib, nazarga ilmay,
Hech bir so'zga kirmadim.
Kirdim yomon ko'chaga Xudodan qo'rqmay,
Hech kimni ayamadim.

Onajon, kechiring, mehringiz bilmadim,
Men o'g'il bo'lib, hayotda sizga yaramadim.
Otajon, kechiring, g'animat so'zingiz,
Sog'inib endi pushaymon noqobil o'g'lingiz.

O'zingiz yemay, o'zingiz ichmay,
O'stirdingiz, onajon.
Bor umidingiz, bor ishonchingiz
Oqlolmadim, otajon.

Qancha endi yig'lamay, qancha dodlamay,
Gunoh bo'lmas jazosiz.
Faqat siz menga kuymang, shundoq ham yetar
Chekkan ozorlaringiz.

Onajon, kechiring, mehringiz bilmadim,
Men o'g'il bo'lib, hayotda sizga yaramadim.
Otajon, kechiring, g'animat so'zingiz,
Sog'inib endi pushaymon noqobil o'g'lingiz.

Onajon, onajon… kechiring onajon…
Kechiring onajon… Onajon… onajon…

Onajon, kechiring, mehringiz bilmadim,
Men o'g'il bo'lib, hayotda sizga yaramadim.
Otajon, kechiring, g'animat so'zingiz,
Sog'inib endi pushaymon noqobil o'g'lingiz. (x2)