Azizim, baxtiyorim!
Qalb sitilur, eshilur.
Senga boqqan ko‘zlarni
Ko‘rib ko‘zim teshilur. (2x)

Men boqmagan ko‘zingga
Qandayin boqdi ekan,
Qo‘l yetmagan yelkangga
Qandayin oqdi ekan! (2x)

Azizim, baxtiyorim,
Qalb sitamga dor o‘lur.
Ko‘zlaringni eslasam
Yurakkinam yorilur.

Bag‘rim tilim-tilimdir,
Tuz sepilgan yo‘limdir,
Yo‘lga boqib yig‘lagan
Sog‘inch mening gulimdir.

Bag‘rim tilim-tilimdir,
Tuz sepilgan yo‘limdir,
Tuzlar bilan ko‘milgan
Ko‘z yoshlarim ko‘limdir.

Derlar: kiyik otilsa gar,
Ko‘zi gunohkor o‘lur,
Nahot raqib tomonidan
Ko‘zlaring shikor o‘lur. (2x)

Bu dunyo(i)ng ham dunyomi?
Sen yo‘q joyda dor o‘lur,
Sen sig‘magan yoziqqa
Ikki dunyo tor o‘lur. (2x)

Toki jonim bor o‘lur,
Unda sen bor, bor o‘lur.
Sen boqmagan ko‘zlarimda
Boshqasi bekor o‘lur. (2x)

Azizim, baxtiyorim!
Qalb sitilur, eshilur.
Ko‘zlaringni eslasam,
Yurakkinam ezilur.

Azizim, baxtiyorim!
Qalb sitilur, eshilur.
Senga boqqan ko‘zlarni
Ko‘rib ko‘zim teshilur.

Azizim, baxtiyorim,
Qalb sitamga dor o‘lur.
Ko‘zlaringni eslasam
Yurakkinam yorilur.

Azizim, baxtiyorim!
Qalb sitilur, eshilur.
Ko‘zlaringni eslasam,
Yurakkinam ezilur.

Ko‘zlaringni eslasam...