Romantika og'ushida

Fm radiostansiyalari orqali "Sog'indimku" taronasini tinglaganimizda beixtiyor ko'nglimizda romantik taronalar barq uradi. Xonandaning muhabbat oshyonlariga to'la izhorlarini eshitib, nafaqat bu tuyg'uni boshidan kechirganlar, balki sevib ulgurmaganlar ham shirin hayollar girdobiga cho'mishadi. Yosh xonanda Alixon Mahmudov hijron azobini kutilayotgan visol onlari bilan uyg'unlashtirib, ko'ngil kechinmalarini aynan shu taronasida mujassam etgan. Agar siz ham bunga amin bo'lishni istasangiz, taronani bir bora tinglab ko'ring va albatta befarq qolmaysiz degan umiddamiz.