Kartina borasida aktyor bilan shartnoma tuzilgan bo'lib, Shvarsenegger Bollivudning mashhur rejissyori Shankarning "Robot 2" filmida rol o'ynaydi.

Aktyor suratga olish maydonchasida o'tadigan har bir kuni uchun 500 ming dollar pul oladi. Shu boisdan ham bollivudlik kino ijodkorlar u bilan bir oy ishlashlari uchun aktyorga 15 million dollar gonarar to'lashlariga to'g'ri keladi. Film ijodkorlari pullar havoga sovrilmayotgani, bo'lajak kartina prokatlarda tijoriy omad olib kelishini aytishmoqda.

Shvarsenegger faoliyati davomida biror marta bo'lsa ham hind kinosiga bo'lgan muhabbati haqida gapirib o'tmagan.

Aktyorning Hindistonga kelishi dekabr oyiga mo'ljallanyapti. Filmning premerasi esa bir yildan so'ng bo'lib o'tadi.