Eng boy aktrisalar ro'yhati tuzildi
Amerikalik aktrisa Sandra Ballok o'tgan bir yil mobaynida 51 million dollar ishlab, Gollivudning eng ko'p daromad oladigan aktrisasiga aylandi. Bu haqda Forbes jurnali ma'lum qildi.Ballok uchun asosiy daromad manbasi rejissor Alfonso Kuaronning o'tgan yili ekranlarga chiqqan "Gravitatsiya" filmi bo'ldi. U prokatda 716 million dollar to'pladi va 2014-yilgi Oskar taqdimotida yettita yo'nalish bo'yicha mukofotga ega bo'ldi.
2013-yilning iyunidan 2014-yilning iyunigacha eng ko'p mablag' ishlagan aktrisalar reytingidan Jennifer Lourens (Jennifer Lawrence)(34 million dollar), Jennifer Eniston (Jennifer Aniston)(31 million dollar), Gvinet Peltrou (Gwyneth Paltrow)(19 million dollar), Anjelina Joli (Angelina Jolie) va Kemeron Diaz (Cameron Diaz)(18 million dollardan), Skarlet Yoxanson (Scarlett Johansson)(17 million dollar), Emi Adams (Amy Adams) va Natali Portman (Natalie Portman)(13 million dollardan) hamda Kristen Styuart (Kristen Stewart)(12 million dollar) ham o'rin oldi.
O'tgan yilgi reytingda Anjelina Joli 33 million dollarlik daromad bilan yetakchilik qilgan edi.
Jurnalning ta'kidlashicha, Gollivudda hali-hamon ayollar erkaklarga qaraganda kamroq pul topadi. O'tgan yilning eng serdaromad aktyori kichik Robert Dauni 75 million dollar ishlab topgan.
Kalit teglar: Sandra Bulloc, Jennifer Lawrence, Jennifer Aniston, Gwyneth Paltrow, Angelina Jolie, Cameron Diaz, Scarlett Johansson, Amy Adams, Natalie Portman, Kristen Stewart
