Yuragim g'amgin bugun,
Yonimda yo'qliging
Holimni qilar mahzun,
Nega achinmading?

Pok tuyg'ularni xarob,
Orzularimni sarob,
Yuragimga ming azoblar
Solding, ketding.

Yomg'irlar yog'ib o'tdi,
Ammo yuvolmadi,
Qalbimda sen qoldirgan
Bu qora dog'larni.

O'zganing mehri sig'mas,
Qalbim azobga qafas.
Azoblar tark etolmas
Meni bir nafas.

Netay,
Azoblaringdan qochib, qayga ketay?
Sendan o'zgani jonim, qanday sevay?
Hattoki tushlarimda sensan, tinch qo'y,
Unutay, seni unutay. (x2)

Hayotimga kirib kelding,
Halovatim olib.
Ilk sevgan edim,
Qalbimga hayajon to'lib.

Nahotki yolg'on edi,
Nahotki sevmas eding?
Nega unda sevishga o'rgatib,
Mendan ketding?

Ishonolmas axir,
Sen ham meni sevarding.
Hech kimga ishonmay,
O'zgalardan qizg'onarding.

Bularning bari sarob,
Sof tuyg'ularim xarob.
Hayotimni ming azoblarga
Ko'mib ketding.

Netay,
Azoblaringdan qochib, qayga ketay?
Sendan o'zgani jonim, qanday sevay?
Hattoki tushlarimda sensan, tinch qo'y,
Unutay, seni unutay.

Netay…