Sen deb tunni bedor etsak,
Yuraklarni bemor etsak,
Dunyo ishqin bekor etsak,
Gunohimiz afv et, Olloh,
Bu baloni daf et, Olloh.

G'ofil bo'ldik, nodon bo'ldik,
Goh mo'min, goh shayton bo'ldik,
Bu kun ahli iymon bo'ldik,
Duoyimiz naf et, Olloh,
Bu baloni daf et, Olloh.

Ojiz holmiz, bag'rimiz qon,
Bandalaring saqla omon,
Bizga qiyin, senga oson,
Unsiz, xunsiz zabt et, Olloh,
Bu baloni daf et, Olloh.

Sen asrasang, balo yo'qdir,
Asramasang, davo yo'qdir,
Sen borsanki, ko'ngil to'qdir,
Rahmingdan bir taft et, Olloh,
Bu baloni daf et, Olloh.

Ikki o'tning orasida,
Qoldik davo chorasida,
Zor-zor yig'lar norasida,
Go'daklarga rahm et, Olloh,
Bu baloni daf et, Olloh.

Ota-onam, bolam-chaqam,
Ko'z yoshimdan qondir yoqam,
O'zing rahmon, o'zing hakam,
Rahmingdan bir taft et, Olloh,
Bu baloni daf et, Olloh.

Olloh, Olloh, Olloh, Olloh,
Olloh, Olloh, Olloh.
Olloh, Olloh, Olloh, Olloh, Olloh,
Gunohimiz afv et, Olloh.