Taqdirimni bilmadim, hech qochib bo'lmadi,
Yurakning bu dardlaridan kechib bo'lmadi.
Huvillaydi, sensiz dunyo sira to'lmadi,
To'lmadi, to'lmadi, to'lmadi.

Uyqu keldi ko'zlarimga, uxlay olmadim,
Tunni tongga ko'z yoshlarsiz bog'lay olmadim,
Sen Ollohning lutfi eding, saqlay olmadim,
Bo'lmadi, bo'lmadi, bo'lmadi.

Bir bora, bir bora
Ko'zlaringga aytsam sevgim oshkora.
Bir bora, so'nggi bora
Balki olis ketmas edik tobora. (x2)

Menga aytgan qo'shiqlaring mag'zini chaqdim,
So'zlaringni tumor qilib bo'ynimga taqdim,
Yomg'irlar har chertganida oynadan boqdim,
Kelmading, kelmading, kelmading.

Uyqu keldi ko'zlarimga, uxlay olmadim,
Tunni tongga ko'z yoshlarsiz bog'lay olmadim,
Sen Ollohning lutfi eding, saqlay olmadim,
Bo'lmadi, bo'lmadi, bo'lmadi.

Bir bora, bir bora
Ko'zlaringga aytsam sevgim oshkora.
Bir bora, so'nggi bora
Balki olis ketmas edik tobora. (x2)

Yo'qotmadim yo'q, yonar dilda cho'g',
Bo'ldi armon, otaverma yuragimga o'q.
Sevgandim deb aytaman, aytaman,
Bo'ldi, bo'ldi, bo'ldi yurak qiynama.

Bir bora, bir bora
Ko'zlaringga aytsam sevgim oshkora.
Bir bora, so'nggi bora
Balki olis ketmas edik tobora. (x2)

Balki olis ketmasdik tobora…