Avvalgi yangiliklarimizdan birida estrada ijodkori Mustafo xalqona yangi qo'shiq tayyorlayotgani haqida ma'lumot bergan edik. Ayni ushbu qo'shiq uchun xonanda klip ham taqdim etmoqchi ko'rinadi.Rejissyor Mirmaqsud Oxunov hamda klipmeyker Muzaffar Yusupovlar bilan birgalikda "Baxshi bobo" qo'shig'i uchun maxsus klip suratga olindi. Klipda "Durdona" raqs ansambli ham ishtirok etgan bo'lib, xonanda Mustafoning chiqishlari sizni befarq qoldirmaydi. Darvoqe, klip bohona Mustafo musiqiy asbob chalishni ham o'rganib oldi. Buni quyidagi fotosuratdan ham bilib olishingiz mumkin.
Eslatib o'tamiz, qo'shiq xalqona folklor shaklida bo'lib, Aziz Turdiyev matni va Uchqun Sharipov musiqasi asosida kuylangan. Tez orada saytimiz orqali klipni eng birinchilar qatorida tomosha qilishni unutmang.
