Xonanda Umar Shamsiyevning ayni kunlarda FM to'lqinlari va saytimiz orqali "Zinama-zina" taronasini tinglagan bo'lsangiz ajab emas. Aynan ushbu taronaga taniqli klipmeyker Narimon Sultonxo'jayev tomonidan shu kunlarda klip suratga olinmoqda. Yaqin kunlarda ushbu klipni TV kanallari orqali tomosha qilishingiz mumkin. Lekin Umar Shamsiyev ijodiga oid yangiligimiz bu bilan cheklanib qolmaydi. Ishonasizmi, yo'qmi, Umar Shamsiyev Jahongir Ahmedovning "Hizmat doirasidan tashqarida" deb nomlangan yangi filmida rol ijro etishga ulgurdi. Biz esa Umarjon Shamsiyevga nafaqat Estrada sohasida, balki kino sohasida ham omad tilab qolamiz.
