O'zbek estrada yulduzlari safidan joy olib ulgurgan shirali va yoqimli ovoz sohibi xonanda Mustafo sochlari qora qizlarga atab yangi tarona taqdim etish niyatida. "Qora soch" deb nomlangan ushbu taronani bir paytlar xonanda Doniyor Toshmuhammedov ijro etgan bo'lsa, endilikda aynan Mustafo tomonidan ushbu taronani yangicha ko'rinishda tinglashga muyassar bo'lishimiz mumkin. Ayni kunlarda ushbu taronaga Rustam Murodov va Nurmuhammad Oxunov tomonidan klip suratga olinmoqda. Nasib qilsa tez kunlarda yana bir yangi ijod mahsulini TV kanallari orqali tomosha qilsak ajab emas.