Shou biznes olamiga "Sen ketma", "Darbadar", "Bebosh" kabi taronalari bilan katta shov-shuv hamda yangilik bo'lib kirib kelgan yoshlarning "Bayon" guruhi guruh sifatida faoliyatini yakunladi. Bu fakt. "New Star Media" prodyusserlik markazining rasmiy ma'lumoti quyidagicha: Prodyusserlik markazining ijodiy taktikasi o'zgargani, "Bayon" guruhi solistlaridan biri Oybek Mukumovning oilaviy muammolari, hamda shou-biznesda "Bayon"sifat guruhlar ko'payib ketganligi sababli prodyusserlik markazi endi Bayon nomi ostida ushbu guruhning yana bir solisti Ma'mur Sultonovni yakkaxon xonanda sifatida faoliyat yuritishini aytib o'tadi. Guruhning ikkinchi solisti Oybek Mukumov ham ma'lum vaqtdan so'ng ijodga yangi tahallus bilan qaytishi ko'zda tutilgan. Muhlislar sariq pressaning yoki yana ayrim jurnalistlarning bo'lar-bo'lmas gap so'zlariga, mish-mishlariga ishonib yurmasliklari uchun "New Star Media" prodyusserlik markazi rasmiy ma'lumotni e'lon qiladi. Bayon endi yakkaxon xonanda. Qolgan tafsilotlar yaqin kunlarda.
