Yangi yil yaqinlashgan sayin albatta uni bayramona kutib olish taraddudiga tushib qolamiz. Barchamiz dekabrning so'nggi kunida yaqinlarimizu do'stlarimiz bilan bir yerga jam bo'lib, albatta yuqori kayfiyat bilan kunni o'tkazamiz. Lekin shou-biznes olamining bir necha vakillari esa 31-dekabr sanasini kutib o'tirmasdan, allaqachon bir yerga jam bo'lgancha yangi yilni oldindan nishonlashga kirishib ketishdi. Ijodkorlar bir yerga jam bo'lsa albatta yangi loyiha yohud ijod namunasi paydo bo'lishi bejiz emas shekili, xonandalar Odil To'laganov, Umar Shamsiyev, Zamon guruhi hamda aktrisa Zarina Nizomiddinova yangi yilga bag'ishlab yangi tarona kuylashdi. Musiqasi Odil TO'laganov va Zamon guruhi vakili Shohruh tomonidan bastalashga muyassar bo'lingan ushbu syurprizga Ibrohim Jiyanov bayramona so'zlarni yozib berdilar. Ijodkorlarning takidlashicha ushbu tarona klipi bilan birgalikda bayramga bayramona syurpriz bo'lishi aniq ekan. Ha aytgancha, yig'ilish bohona ijodkorlarimiz ajoyib tovuqni ham juda chiroyli tarzda tayyorlashdi. Faqat barchaga ushbu tovuqdan bahramand bo'lish nasib etdimi yo'qmi, bunisi bizga qorong'u. Faktlarni va bayram qanday o'tgaiga esa quyidagi fotosuratlar orqali shaxsan ko'rib, baho berishingiz mumkin.