O'zbek estradasining ikki go'zal va maftunkor namoyondalari bo'lmish Ziyoda hamda Dilso'zning yakkaxon ijodlariga ortiqcha izoh bermasa ham bo'ladi. Biri milliy va zamonaviy yo'nalishlarda allaqachon o'z o'rnini egallagan yulduz bo'lsa, biri esa yosh bo'lishiga qaramasdan, ko'pchilikning tiliga tushgan iste'dod egasidir. Ushbu ikki ijodkorning o'zaro munosabatlari haqida turli hil mish-mishlar tarqalgani ham sir emas. Lekin aslida Ziyoda va Dilso'z hayotda hamda ijodda do'st ekanliklarini isbotlashdi. Qanday qilib deysizmi? Bu ham bo'lsa oddiy. Ya'ni ijodkorlar birgalikda nomi antiqa bo'lgan "Asalim mani, shakarim mani" taronasini birgalikda ijro etishdi. Ushbu o'zgacha duet matni Nodirga, musiqasi Iqbol Muhammadjonov va oranjirovkasi Sarvar Rahmatxo'jayevga tegishli bo'lib, yaqin kunlarda taronani FM to'lqinlari orqali taqdimoti bo'lib o'tishi kutilmoqda.
