O'zbekistonda xizmat ko'rsatgan artist, serqirra xonanda Sardor Rahimxon bugungi kunda o'z ijodi bilan barchani xushnud qilmoqda desak xato bo'lmaydi. Yaqindagina o'zining yangi klipini taqdim etgan xonanda endi o'zini yangi sohada sinab ko'rmoqchi ko'rinadi. Gap shundaki Sardor Rahimxon shu kunlarda "O'zimga ayon aforizmlar" deb nomlangan toplamini o'z muhlislariga taqdim etish niyatida. Bundan tashqari xonanda Iqbol Muhammad matni hamda Nodir Azimov musiqasi ila yaratilgan "Bir qara" deya nomlangan sho'x taronani kuylab o'tdi. Ushbu taronaga Narimon Sultonxo'jayev tomonidan klip ham suratga olindi. Demak tez kunlarda Sardor Rahimxondan ushbu klipni hamda yuqorida so'z ochilgan to'plamni qarshi olsak ajab emas.