Estradamiz yorqin yulduzi bo'lmish Rayhon doimgidek yangidan-yangi taronalariyu chiqishlari bilan barchani o'ziga rom etib kelmoqda. Bobur Umarov matni hamda Zafar Qodirov musiqiy sayqali asosida yaratilgan yangi "Samodan" taronasi xonanda ijodidagi yangi qadam desak mubolag'a bo'lmaydi. Ushbu tarona uchun Rayhonning bir necha yillik hamkori bo'lmish klipmeyker Rustam Murodov tomonidan klip suratga olindi. Xonandaning takidlashiga qaraganda klip hozirga qadar ijodida eng murakkabi va o'zgacha uslubda ekanligi bilan farq qilar ekan. Demak, tarona va klip butunlay yangicha yo'nalishda ekanligi aniq. Faqatgina ushbu klip taqdimotini kutishimiz lozim holos.