O'zbek estrada olami kundan-kun yangi ijodkorlar bilan boyib bormoqda. Bu albatta quvonarli hol. Ana shunday san'atga qadam qo'yiboq, o'z muxlislarini topib ulgurgan xonanda Tamila ham o'z ijodini yangi taronalar bilan boyitib bormoqda. "Kel ayama" nomli yangi tarona matni Jasur Abdurahmonov va Yakzon tomonidan yozilgan bo'lib, klipmeyker Jasur Shametov tomonidan klip ham suratga olindi. Klip o'ziga hos raqsbop yo'nalishda bo'lib, raqslar xoriograf Tatyana Kruglova tomonidan sahnalashtirildi. Bundan tashqari xonanda tez orada o'zining birinchi yangi albomini omma e'tiboriga taqdim etish niyatida. Ha aytgancha, bugun Tamillaning tavallud topgan kuni. Ushbu ayyom bilan Tamilani saytimiz nomidan muborakbod etamiz. Hozircha esa "Kel ayama" taronasi klip olish jarayonidan ba'zi fotosuratlarni quyida siz uchun havola etamiz.