Istedodli va yosh umidli xonanda Vohidjon Isoqov ijodiy izlanish, ya'ni bir-qator videokliplar yaratish bilan band. Xonanda yangi original "Shakira" nomli tarona kuyladi. Tarona sho'x va raqsbop bo'lib, Vasila Sodiqova matni hamda Doniyor Rahmonov musiqasi ila yaratildi. Bundan tashqari ushbu tarona uchun taniqli klipmeyker Narimon Sultonxo'jayev tomonidan videoklip ham suratga olindi. Shu bilan birgalikda Vohidjon Isoqovning yana ikkita yangi taronasi tez orada tayyor bo'lishi ma'lum qilinmoqda. Ha aytgancha, xonanda muhlislari uchun yakkaxon konsert dasturini taqdim etishni rejalashtirmoqda.
