O'zbek estrada olamiga o'zgacha uslub, o'zgacha yo'nalish va o'zgacha ijro olib kirgan xonanda Munisa Rizayevaning ayni damda ijodga sho'ng'igan pallasi. Hozirda u tinim bilmay o'z ustida ishlamoqda. Muhlislari uchun esa qator tarona va kliplarini taqdim etishni rejalashtirgan. Munisa o'zining "Daydi" taronasi uchun Nozim Jumayev bilan birgalikda yangi klipni taqdim etmoqda. Bundan tashqari xonanda yangi "Sekin-asta" deb nomlangan taronasini ham yozib tugatdi. Ushbu tarona ham yuqorida ta'kidlab o'tgan ijodkorlar tomonidan yaratilgan bo'lib, tarona uchun Munisa Rizayeva hamda iste'dodli klipmeyker Narimon Sultonxo'jayev ijodiy jamoasi bilan Turkiya shahriga yo'l olib, u yerda maxsus videoklip suratga olib qaytishdi. Ma'lumotlarga qaraganda klipda Narimon Sultonxo'jayevni ham ko'rishingiz mumkin bo'lar ekan. Qolganini esa klip taqdim etilgach, birgalikda bilib olishimiz mumkin bo'ladi.
