O'zbek estrada olamida anchayin shuhrat qozongan va ko'plab muxlislariga ega bo'lgan xonanda Mahmud Namozov barchaga bag'ishlab bir qancha tuhfalar tayyorlash bilan band. Xonanda hozirda ijodiy izlanishda. Shu kunlarda u mustahkam oila yiliga bag'ishlab, "Izhor" nomli yangi tarona ustida ishlamoqda. Nasib etsa tarona tayyor bo'lgandan so'ng, u omma e'tiboriga taqdim etilishi rejalashtirilgan. Shuningdek u o'z muxlislari uchun sog'inib kutilgan yakkaxon konsert dasturini taqdim etishni ham rejalashtirmoqda. Demak, tez orada Mahmud Namozovdan yangi tarona va konsert dasturini qarshi olsak ajab emas.