M&TVA-2012: G'oliblar aniqlandi

M&TVA-2012
Yilning eng sara ijodkorlari...


- Demak bu yilgi M&TVA-2012 marosimiga ham oz daqiqalar qoldi. Bir ozdan so'ng esa birinma-ketinlik ila 18 nominatsiya bo'yicha yilning eng yaxshilarini aniqlashga kirishamiz. Hozircha esa bu yilgi nominantlar ro'yhati Yo'llanma/Link orqali o'tib, tanishib chiqishingiz mumkin.

 

- Demak bir oz kutishdan so'ng marosimga ham start berildi azizlar. Ana endi diqqat bilan barcha etiborni bizga qarating. Chunki eng birinchilar qatorida sovrindorlarni bilish vaqti keldi.

 

- Demak ilk nominant aniqlandi. Yilning eng yaxshi radioboshlovchisi nominatsiyasida Zamin FM radiosi boshlovchisi Ziyovuddin Ahmadjonov tengsiz deb topildi.

 

- Radiodan so'ng esa Teleboshlovchi aniqlandi. Yilning eng yaxshi teleboshlovchisi Oybek Rihsibekov (TVM).

- Fakt: Yodingizda bo'lsa o'tgan yili Oybek Rihsibekov radioboshlovchi sifatida ishtirok etgan edi. Bu yil esa teleboshlovchi sifatida nominatsiyada qatnashdi. Buni qarangkki teleboshlovchi sifatida Oybek ko'proq qalblardan joy olgan ko'rinadi. Boshqa natija va faktlarni keltirishda davom etamiz.

 

- Hozircha boshlanishi chakki emas. Bundan keyingi natijalar qanday shov-shuvlarni keltirib chiqarishini kuzating.

 

- Televideniya yo'nalishini davom ettirgan holda yilning eng yaxshi tele dizayni aniqlandi. G'olib Forum xabarlari (Forum TV)ga ishlangan dizayn.

 

- Yana bir televideniyaga oid nominatsiya. Yilning eng yaxshi teleloyihasida Oshga marhamat-2 (TVM) eng qiziqarli deb topildi.

- O'zi ham Murod Rajabov hamda Oshga marhamat loyihasi ijodkorlari g'oliblikka loyiq edilar. 2 yil davomida yuqori ko'tarinkilikda milliy dasturni haqiqiy bellashuv sifatida o'tkazib kelishayotgani, mana nihoyat o'z natijasini berdi.

 

- Yilning eng yaxshi klipi nominatsiyasida shubhasiz Googooshaning "Round run" klipi eng zo'r deya baholanayotgandi. Lekin Googoosha boshqalarga imkon berdi va Shohruhxonning Muhabbatnoma klipi eng zo'r deb topildi.

 

- Ana endi judayam qiziqarli lahzalar keldi. Yilning eng yaxshi aktyori Alisher Uzoqoooooov.

- So'nggi 2 yil ichida juda ham ko'p filmlardagi turli obrazlari Alisher Uzoqovni eng yaxshi aktyor darajasiga chiqargan bo'lsa ajab emas.

 

- Aktyordan keyin o'zingiz anglagan bolsangiz kerak, albatta Eng yaxshi aktrisa aniqlanadi. Yilning eng yaxshi aktrisasi Sevara Soliyeva.

 

- Musiqiy chekinish... Yohud kichik tanaffus.

 

- Ana endi kino yo'nalishiga qadam ranjida qilamiz. Eng yaxshi rejissyor deya Yolqin To'ychiyev bu yil tengsiz deya baholandi.

- Yolqin akaning melodramma filmlari yurakni larzaga keltirgan bo'lsa, ana endi ushbu mukofot Yolqin To'ychiyevning yuragini larzaga keltira oldi.

 

- Yil yangiligi deya Hasan va Husan Solihovlar g'olib deya topilishdi.

- Anglagan bo'lsangiz kerak. O'sha MTS reklamasidagi eshikda kalitini sindirib, o'rniga akasini saxnaga chiqarib yuborgan aka-uka aktyorlar.

 

- Yilning eng yaxshi taronasi sifatida latofatli Shahzodaning To'kilib taronasi eng hit tarona sifatida qayd etildi.

- Shahzodani ushbu mukofot bilan tabriklaymiz. O'zi ham eng qiyin va teng kuchli nominantlar yig'ilgan nominatsiya edi.

 

- Bir varakayiga ikki filmga oid nominatsiyalarda g'olib aniqlandi. Eng yaxshi soundtrek "Xay-Xay qizaloq filmi" uchun va eng yaxshi film deya Alisher Uzoqovning "Endi dadam bo'ydoq" filmi g'oliblik shohsupasidan o'rin egalladi.

- O'zi ham Alisher Uzoqov bu yil ikki nominatsiyada yutuqqa erisha oldi.

 

- Yilning eng yaxshi ayol xonandasi sifatida bu yil juda ham kuchli raqiblar o'rin olgan edi. Lekin yaqindagina o'z visol oqshomini nishonlagan hamda olamshumul shov-shuv ko'targan Rahyon Yilning eng yaxshi ayol xonandasi deya topildi.

- Yana bir to'yona Rayhon uchun. Bu yil Rayhon uchun juda ham omadli desak mubolag'a bo'lmaydi.

 

- Yilning eng yaxshi xonandasi sifatida Bojalar guruhi solisti Jahongir Poziljonov barchani ortdda qoldirdi. Qoyil.

- Fakt: Jahongir Poziljonov bu yilgi marosimida 3 nominatsiyada ishtirok etayotgan edi. Rejissyor, aktyorlik qolib, mana ilk boshlagan ish, yani xonandalik baribir o'z mevasini berdi.

 

- Yilning eng yaxshi guruhi deya bilasizmi bu yil kim g'olib? Qizlarning sevimli guruhi, ba'zi yigitlarning esa teskarisi. Hullas qiynamaymiz. Yil davomida yorqin yurishni amalga oshirgan Ummon guruhi yilning eng yaxshi guruhi deya tan olindi.

- Ummon fanatlari hozir shodlikdan yig'lashayotgan bo'lissa kerak. Ulardan ko'p ko'z yosh to'kmasliklarini iltimos qilgan bo'lar edik. Aks holda daryolar toshib ketsa ajab emas :)

 

- Barcha taronalarni qalbimizga yetib borishida ularni yaratayotgan kompozitorlar katta ishni amalga oshirishadi. Shunday qilib yilning eng yaxshi bastakori deya Shuhrat Zokirov deya topildi.

 

- O'zbekiston madaniyat va san'atiga qo'shgan hissalari uchun Obid Yunusov, Tamara Komilova hamda Nabi Abdurahmonovlar taqdirlandilar.

 

- Va nihoyat eng so'nggi nominatsiyada g'olibni aniqlash vaqti keldi. Yilning eng yaxshi shousi deya Style.uz barcha shoulardan ustun keldi.

 

- Barcha nominatsiyalar aniq bo'lgach, xorij estrada vakili Ivan Dorn barchaga o'z san'atini taqdim etmoqda. E'tiboringiz uchun raxmat.

 

Nominatsiya Nomzodlar G'olib
Yilning eng yaxshi radioboshlovchisi Ziyovuddin Ahmadjonov - Zamin FM
Sevinch - Navro'z radiosi
Umarxon Usmonov - O'zbegim taronasi radiosi
Bahodir Ma'diyev - Oriat dono radiosi
Ibrohim Ahmedov - Grand radiosi
Ziyovuddin Ahmadjonov - Zamin FM
Yilning eng yaxshi teleboshlovchisi Gulhida Jo'rayeva - Yoshlar telekanali
Otabek Mutalxo'jayev - NTT
Eleonora Yunusova - O'zbekiston telekanali
Oybek Rihsibekov - TVM
Laziza Nozimxonova - Toshkent telekanali
Oybek Rihsibekov - TVM
Yilning eng yaxshi teledizayni Soz sehri - O'zbekiston telekanali
Telemarket - Toshkent telekanali
Aylanay - Yoshlar telekanali
Prime Time - TVM
Forum xabarlari - ForumTV
Forum xabarlari - ForumTV
Yilning eng yaxshi teleloyihasi Yo'l-yo'lakay - Yoshlar telekanali
Oshga marhamat-2 - TVM
Tungi studiya - ForumTV
Marjon - O'zbekiston telekanali
Superkelinchak - NTT
Oshga marhamat-2 - TVM
Yilning eng yaxshi klipi Botir - Nozli yorim rej: Narimon Sultonxo'jayev
Googoosha - Round run rej: Ave Cohen
Munisa Rizayeva - Gollivud rej: Sarvar Matkarimov
Shohruhxon - Muhabbatnoma rej: Nozim Jumayev
Lola - Endi yo'q rej: Yodgor Nosirov
Shohruhxon - Muhabbatnoma rej: Nozim Jumayev
Yilning eng yaxshi aktyori Akbarxo'ja Rasulov
Jahongir Poziljonov
Alisher Uzoqov
Adiz Rajabov
Umid Iskandarov
Alisher Uzoqov
Yilning eng yaxshi aktrisasi Asal Shodiyeva
Shahzoda Muhammedova
Madina Mumtoz
Nargiza Salmonova
Sevara Soliyeva
Sevara Soliyeva
Yilning eng yaxshi rejissyori Javlon Shodmonov
Alisher Uzoqov
Yolqin To'ychiyev
Hilol Nasimov
Jahongir Poziljonov
Yolqin To'ychiyev
Yilning yangiligi - Hasan va Husan Solihovlar
Yilning eng yaxshi taronasi Ozodbek Nazarbekov - Meni kuchliroq sev
Alisher Fayz - Armon
Ulug'bek Rahmatullayev - Omadim kelmadi
Shahzoda - To'kilib
Shohruhxon - Nima qilish kerak
Shahzoda - To'kilib
Yilning eng yaxshi soundtreki O, Maryam, Maryam
Superqaynona
O'jar kelin
Xay-xay qizaloq
Sevgi farishtasi
Xay-xay qizaloq
Yilning eng yaxshi filmi Endi dadam bo'ydoq - Alisher Uzoqov
Super qaynona - Javlon Shodmonov
Sevgi farishtasi - Sh.Shohalilov
Xay-xay qizaloq - S.Matkarimov
Oqibat-2 - A.Umrzoqov
Endi dadam bo'ydoq - Alisher uzoqov
Yilning eng yaxshi ayol xonandasi Umidaxon
Ziyoda
Munisa Rizayeva
Shahzoda
Rayhon
Rayhon
Yilning eng yaxshi erkak xonandasi Sherzodbek
Jahongir Poziljonov
Ulug'bek Rahmatullayev
Jasur Umirov
Alisher Fayz
Jahongir Poziljonov
Yilning eng yaxshi guruhi Zarba
Ummon
Sarvar va Komil
Shod
Sahro
Ummon
Eng yaxshi musiqiy kompozitsiya muallifi (bastakor) Jasur Badalboyev
Botir Aliyev
Bobur Umarov
Eldor Qayumov
Shuhrat Zokirov
Shuhrat Zokirov
O'zbekiston madaniyati va san'ati uchun qo'shgan hissasi uchun - Obid Yunusov, Tamara Komilova, Nabi Abdurahmonov
Yilning eng yaxshi shousi "Oltin gepard" xalqaro kinoforumi
"ArtWeek Style.Uz-2012"
"Asrlar sadosi" festivali
"Hayot uchun" hayriya forum marafoni
"1000ta to'y" loyihasi
ArtWeek Style.Uz-2012

 

Shunday qilib bu yilgi M&TVA-2012 marosimi ham o'z nihoyasiga yetdi. Unda ko'plab nomzodlar ishtoki va ko'plab kutilgan hamda kutilmagan natijalardan baxramand bo'ldik. Bugungi g'oliblarning barchasini o'z nomimizdan hamda ularning muhlislari nomidan tabriklab qolamiz. Ishtirok etib, lekin go'lib bo'lmaganlarga esa, kelasi yil albatta g'olib bo'lishlari tilakdoshimiz. Bugungi translyatsiyani amalga oshirishda o'zining katta hissasini qo'shgan Olimxo'ja Azimovga minnatdorchilik bildirib qolamiz. E'tiboringiz uchun raxmat. Navbatdagi shoularda g'oyibona diydorlashguncha.


   

Kalit teglar: mtva

 
Xurmatli foydalanuvchi, saytimizdan ro'yhatdan o'tishingizni yoki o'z loginingiz yordamida avtorizatsiya qilishingizni tavsiya qilamiz.
 (голосов: 1)

Izohlar

  1. #1 Mehmon fanatka.muz 23 dekabr 2012 13:53 |

    ummon yutiwini bilardim.asalim zohid ijodlariga omad

    Izohga javob berish
  1. #2 Mehmon Azimboy_Yulduz 7 yanvar 2013 23:01 |

    Hm nimayam deymiz ijodkorlarning ijodiga ulkan ulkan parvozlar tilab qolaman,

    Izohga javob berish

Izoh qoldirish


Kod:
Включите эту картинку для отображения кода безопасности
kod ko`rinmagan holda yangilang

kodni kiriting:

O'Z REKLAMANGIZNI SHU YERDA JOYLASHTIRING