Shou-biznes olamida o'zining ko'plab taronalari ila o'z muhlislarini topib kelayotgan yosh hamda serqirra ijodkorlar Shahboz hamda Navro'z hozirda bir necha taronalar ustida ishlashmoqda. Ijodkorlar hozirda o'qish bilan birgalikda ijodiy izlanishni bir maromida olib borishga harakat qilishmoqda. Shahboz g'oyasi asosida "Muzlagan armon", "Javob ber" hamda Abror To'xtasinov matni va Mirsaid Egamberdiyev musiqiy sayqali ila "Dilozor" nomli taronalarni ijro etishdi. "Javob ber" nomli taronaga hozirda Sherzod Umarov tomonidan trek hamda syujet tarzida klip suratga olish jarayonlari olib borilmoqda. Bundan tashqari yigitlar yaqinda vodiy bo'ylab gastrol safari uyushtirishni rejalashtirishgan.
