Sevgilisidan ayrilgan insonning qanchalik yuragi bo'shab qolishini o'z qo'shiqlaridan birida aks ettirgan ijodkor Dostonbek Ubaydullayev shu kunlarda ikki yangi tarona ustida ish olib bormoqda. Jasur Javharnazarov musiqa va Iroda Qurbonova matni asosida yaratilayotgan birinchi tarona sho'x ohangda bo'lib, "Qiziqtirmas" deb nomlandi. Ikkinchi tarona musiqa va matni Iqbol Muhammad ijodiga mansub bo'lib, sokin tarzda ijro etilmoqda. Hozircha ushbu sokin tarona nomi biz uchun ma'lum emas. Lekin tez orada yuqorida zikr etilgan ikkala tarona muxlislar hukmiga taqdim etiladi va ular albatta sizga manzur bo'lishi aniq.