23-26 yanvar kunlari Toshkentda o'ninchi Turk kinofilmlari haftaligi o'tkaziladi. Bu haqda Turkiyaning Toshkentdagi elchixonasi matbuot xizmati ma'lum qildi.O'ninchi Turk kinofilmlari haftaligi doirasida Istanbulning fath etilishini aks ettirgan va Turkiya tarixida muhim iz qoldirgan voqea haqida hikoya qiluvchi "Fotih", chiptalari sotuvi bo'yicha rekord o'rnatgan "Vizontele Tuba" badiiy filmi va mashhur turk kino ustalari ishtirok etgan "Quyosh o'g'li" nomli filmlar namoyish etiladi.
Barcha filmlar turk tilida, subtitr orqali o'zbek tiliga o'girilgan holda namoyish etiladi. Tomoshalar Toshkentdagi Radisson Blu mehmonxonasida tashkil etiladi. Seanslarga kirish - bepul.
Elchixona matbuot xizmati xabarida alohida qayd etilishicha, so'nggi yillarda Turkiyada suratga olinayotgan kinofilmlar va kinotomoshabinlar soni sezilarli o'smoqda. Hozirgi kunda Turkiyada jami 567ta kinoteatr, 2 ming 93ta kinozal mavjud bo'lib, ulardagi jami o'rindiqlar soni 268 ming 72tadir.
2012-yilda filmlari namoyishlaridan olingan daromad miqdori 421,883 million turk lirasiga, kinematografiya sohasida jami daromad hajmi esa 2 milliard dollarga teng bo'ldi.
