Do'stlik unvoni sohibasi bo'lmish estradamizning maftunkor ijodkori Shahzodaning bu yilgi rejalari bisyor ko'rinadi. Xonanda doimgidek yakkaxon konsert bilan bir qatorda muxlislari uchun yana bir sovg'a hozirlamoqda.Har yilgi odatga ko'ra bu yil ham Shahzoda may oyining ilk kunlari, yani 1-2-3-4-5-6-7-may kunlari poytaxtimizning muhtasham "Istiqlol" san'at saroyida yakkaxon konsert dasturini taqdim etadi. Doimgidek har bir konsertini kutilmagan burilish va chiqishlar bilan o'tkazishga odatlangan ijodkor bu yil ham ko'plab kutilmagan chiqishu sovg'alarini o'z muxlislariga hozirlab qo'ygan. Yangi taronalar ham bundan mustasno emas. Bundan tashqari Shahzoda konsertdan avval o'zining yangi sirli nomlanishdagi albomini ham taqdim etadi. Hozirda ijodkor ushbu konsertga jiddiy hozirlik ishlarini boshlab yuborgan.
