O'z ichiga 10ta yangi va avvalgi 4 hitlardan jamlangan "Ro'paramda" albomi tez kunlarda sotuvga chiqadi. Bundan tashqari "Jonim sensiz" deya nom olgan yangi tarona ham albatta muxlislarga manzur kelishi aniq. Aynan yuqorida zikr etilgan "Yayra" kompozitsiyasi uchun esa 9999 studiyasi tomonidan maxsus klip suratga tushirilmoqda. Klipda avvalgi kliplardagi kabi yana o'sha Aziz Rametovni uchratishimiz mumkin. Qiziq, nima uchun Davron Ergashev o'z kliplarida faqat shu aktyorni suratga tushirarkin? Bu biz uchun hozircha jumboq. Darvoqe, ijodkor bir necha yil avval tashkillashtirgan va afsuski o'shanda u qadar tomoshabinbop bo'lmagan konsert dasturidan so'ng, "boshqa yakkaxon konsert bermayman" deya takidlagan edi. Lekin Davron Ergashev bu yil o'z yakkaxon konsert dasturini yana bir karra taqdim etishni rejalashtirib yuripti. Faqatgina ushbu reja amalga oshish yoki oshmasligini esa vaqt sizu bizga ko'rsatishi aniq.