O'zbek estradasida yangi nom paydo bo'lganida "u kim ekan" deya hayron qolgan damlarimiz ham bo'lgan. Lekin siz-u bizga yaxshi tanish bo'lgan chexralarning estradamizda paydo bo'lishi esa, diqqatimizni yanada qattiqroq o'ziga jalb etadi. Ana shunday yangi duet o'zlarining antiqa nomlari ila estradamizga shaxdam qadam ila kirib keldilar.Chexralari yaxshi tanish bo'lgan Radio guruhi vakillarini avval ham TV ekrani orqali uchratgan bo'lishingiz aniq. Ushbu duet ilk ijodlarini saytimiz orqali taqdim etishar ekan, estradada o'ziga hos yo'nalishda ijod qilishlari bilan boshqalardan ajralib turishlari aniq. Siz ham tinglab, bunga amin bo'lishingiz mumkin. Darvoqe, guruh ijodidagi "Masqaraboz" taronasiga kuni kecha klip suratga olindi. Klip operatori Jahongir Ibragimov bo'lib, voqealiklarda ko'plab aktyor va aktrisalarimizni uchratishingiz mumkin. Shunday ekan, tez kunda o'ziga hos yo'nalishdagi yangi imijdagi klipni aynan saytimiz orqali birinchilar qatorida qarshi olishingiz mumkin bo'ladi. Quyida esa klip suratga olish jarayonidan ba'zi fotosuratlarni hukmingizga havola qilamiz.
