Shou-biznes olamida xonandayu guruhlardan tashqari, soz ustalari ham o'ziga hos o'ringa ega. Ana shunday skripka yordamida o'ziga hos kompozitsiyalarni yaratayorgan Abdulaziz Zokirov ham o'zining navbatdagi musiqasi va unga ishlangan klipini taqdim etadi.Rejissyor Kamoliddin Xamrayev, operator Diyor Adashev, dizayner Jamoliddin Jalolov hamda ssenariy muallifi shaxsan Abdulaziz Zokirovlar tomonidan "1001 kecha" treki uchun maxsus klip suratga olindi. Klipdagi o'ziga hos ertaknamo ko'rinishni kamerada aks etishida hissa qo'shgan kostyumer Elsevar Isxoqova, grimyor Rinata Iskandarovalar ancha ter to'kishdi. Ushbu klipda siz ko'plab aktyorlarimizni o'ziga hos obrazlarda ko'rishingiz mumkin bo'ladi. Shahzoda Muhammedova, Muhammadjon Bobojonov, Sanjar Shodiyev, Qaxramon Haydarov va boshqalar shular jumlasidandir. Bundan tashqari 70ga yaqin inson kamera orti va kichik saxna ko'rinishlarida namoyon bo'lgancha zaxmat chekishdi. Kompozitsiya va klipni saytimiz orqali tinglab, tomosha qilishni hozirdanoq boshlashingiz mumkin. Darvoqe, klip suratga olish jarayonidan quyida ba'zi fotosuratlarni hukmingizga havola qilamiz.
